ENREDOS DE MOZACOS PELAS CALEYAS DE CASORVÍA, nun van tantos sieglos atrás…

Rufino Ceferino Vallejo Castañón & Xulio Concepción Suárez

Texto completo: NC. VALLEJO CASTAÑÓN, Rufino Ceferino & CONCEPCIÓN SUÁREZ, Xulio – Enredos de mozacos pelas caleyas de Casorvía, nun van tantos sieglos atrás…

Entóncenes nun había Imaginarium que valiera; entóncenes nun había Papá Noel; entóncenes nun había l’amigu invisible; entóncenes nun había cumpleaños… Entóncenes había, como muncho, el día’l Sentu; quedaban Los Reis; y, si yera’l quesu, dexaban algún pilutu, una pelotuca, o una menaca, y un poco revoltijo; y toos quedábamos tan contentos.
Preguntaréisvos con qué se xugba nas caleyas, ente las casas de los tsugares, si ye que se tenía tiimpu pa etso, claro. Pues xugábase con cualquier cosa que pudiéramos atropar, que nun sirviera ya pa usar na casa: con un caxón, una navayuca gastá, un forquitu… Y, claro, tamién facíamos los nuestros enredos con lo que diera la porriella, la pacencia y l’inxeniu de las manos...

---