HISTORIA UNIVERSAL DE CASORVÍA Y EL FERROCARRIL

Rufino Ceferino Vallejo Castañón & Xulio Concepción Suárez

Texto completo: VALLEJO CASTAÑÓN, Rufino Ceferino & Xulio CONCEPCIÓN SUÁREZ – Historia universal de Casorvía y el ferrocarril

Si Xuan Bello foi quién a escribir la Historia Universal de Paniceiros, bien poco valdríamos si nós nun escribimos la Historia Universal de Casorvía, averá al ferrocarril como anda, porque Casorvía ye l’únicu tsugar de tul puerto pel que pasa la vía pel medio; pero resume a los otros tsugares del vatse Payares y a unos cuantos de La Pola p’arriba y del utru vatse, El Vatse Güerna.
Dende los primeros tiempos, atsá pelos años 80 del sieglu XIX hasta güey, el ferrocarril foi un terremoto pal tsugar, emprincipiando pela ilesia que, al paicer, hubo cambiase dende lo que más terde foi El Paso hasta’l sitiu d’agora.